D acu i tenniḍ 13

D acu i tenniḍ

Tamsalt n Yimẓabiyen terza akk tamazɣa neɣ ad tt-qablen kan iman-nsen ?

         Ilmend n cwalat d tedyanin i d-iḍerrun deg temnaḍt n Tɣerdayt ; Atɛeddi akked leǧǧrayen i iḍerrun ɣef yimẓabiyen ama seg tama n icaɛanbiyen aɛraben ama s tallalt i asen-d-ttaken seg tama n yiɣallen n laman, aya ur yelli ara d awal kan akken i d-qqaren kra n yimdanen, aya mačči d awalen igujilen i d-yefɣen deg yimi n wid yebɣan ad tt-sekren akken i d-qqaren At udabu ! Ulac tufra fell-as, tugniwin i aɣ-dyettawḍen ulac fell-asen lekdeb, ahat tugniwin i aɣ-yettawḍen yella fell-asent ubeddel akken i d-segzayen kra n wid yebɣan ad setren taluft maca i tikkelt-nniḍen mačči siwa tugniwin i aɣ-d-yettawḍen les vidéo i nettwali yallas yettbin-d deg-sent s tidet yiɣil i yettwafkan i yicaɛanbiyen ad tɛeddin ɣef yimẓabiyen, d ayen i yettaǧǧan amdan ad iḥir deg yiman-is ad yussuter tiririt i wallaɣ-is ; annaɣ ayadra ma taluft am ta yella fell-as uskuti ?! Ayadra taluft-a ur aɣ-terzi ara nekkni s leqbayel ?!

          Seg Wazal n ṭam n wayyuren aya d imẓabiyen deg yar liḥala, akken i d-nniɣ iwsawen ɛaccen deg ddel d temḥeqranit, ahat lukan gar-asen kan, nutni akked yicaɛanbiyen ad as-ninni tixer ad tefru, maca ass-a mi nettwalit asenned akked yiɣil i sen-d-fkan amek ara neqbel ayagi ?! seg zman aqdim nettsuɣ « Imaziɣen », ass-a ad ken-seqsiɣ, Menhu i d-imaziɣen ? Ɛelmeɣ ad ay-d-terrem s tririt-a : « imaziɣen d agdud amezwaru i izedɣen tafriqt ugafa ». Akken ur stuqquteɣ ara ameslay anda i d-ggran ass-a yimaziɣen ? Tiririt-nwen : « imaziɣen ass-a ferqen d leɛrac akked tantaliwin, Wa d Aqbayli, Wa d acawi, wa d Atergi, Wa d Amẓab… » ; Aywah ! Wa d aqbayli wa d atergi wa d amẓab… ihi tettwalim ara dakken wigi d atmaten-nneɣ, ur tettwalim ara ur d-yewwi ara ad yili uskuti ɣef temsalt-agi ? Nettsuɣu kan Imaziɣen wara ma neḥsa s tnakta n wawal-a ! nettnezzih kan Amek i ten-ɣeddlen n tekkat nneḥ ! neɣ llan kra n wid ilethan kan d « Lfariq Lwaṭani » melmi ara yehdu rrebḥ-is i ugraw n tmura taɛrabin « Elbuldan Elɛarabiya Eccaqiqa » !

Ala ur awen-d-nniɣ ara iyaw ad nruḥet ɣer lgira, ahat ma nniɣ-d aya ad as-tinim yeshitrif, neɣ yebɣa ad tt-isker ! Ala d acu kan axxi ad nbeddet ad nsuɣet ad d-nennejmaɛet d yiwen akken ad d-nini wigi d atmaten-nneɣ berkat fell-asen ḍḍelm, maca nekkni nettbeddad kan d atmaten d wid i aɣ-ibeɛden, d wid yellan d tidet d iɛdawen ! Ay yiɣerfan n Tmazɣa ass-a aggdud amaziɣ yettwaḥqar, agdud yewwi-d ad yili d yiwet n tfekka, ma tuḍen yiwen n uferdis deg-s ad ines bab-is yettseṭṭir ; ḥsiɣ yes-wen tḥussem, tettwaqerḥem, meqqar kkert zzwit iman-nwen tesbegnem-d lɣiḍ yellan deg wulawen-nwen wala ma teǧǧamt ad ken-yessenger seg daxel-nwen !  « Nekk ayen i ay-iqerḥen nniɣ-t-id, i lebda ad geɣ tiɣri i kečč ay agdud ma ad d-takkiḍ ? »

X.Y