Canalblog
Editer l'article Suivre ce blog Administration + Créer mon blog
Publicité
Afrawan
Afrawan
Publicité
1 décembre 2019

Adabu yebra i ugdal n yisenfaren n Cevital

Adabu iga tigawt akken ad yeǧǧ isenfaren n Cevital, yettwameglen, ad d-uɣalen ad kemlen. Deg wayyen yura uɣmis TSA, ɣef udiwni iga i Omar Rebrab i yellan d amaslaḍ deg tenmehla n Cevital, deg tririt-ines yenna “ɣas akka, nettwasteqbel-d sɣur uneɣlaf amezwaru akked yiɛeggalen-nniḍen n udabu. Nsken-asen-d kra n yiɣebla-nneɣ. Fkan-d awal belli ad gen tigawt iwatan akken ad ksen uguren-agi”.

 Akken yenna daɣen Omar Rebrab i uɣmis TSA, “afud n CevitalL, d tikkin n ines deg uǧǧuǧǧeg n lerbaḥ n tmurt akked yimukan n uxeddim”, akken yettwali belli isenfaren-a d wid ara yeldin tiwura ɣer usekcem n tteka tamaẓayt akked usali n tdamsa n tmurt, ladɣa imi tamurt n Lezzayer d tin i d-yettawin akk ayen tt-ilezmen seg tmura n lberrani ladɣa deg uswin n Soja akked zzit n yimɣan. Isenfaren-a rzan daɣen takebbanit Brant i yettabaɛen anagraw-a n Cevital, akken yenn-a diɣen umaslaḍ Omar Rebrab belli azal n 1700 n likuntinir n selɛa, i wumi i d-serḥen seld mi llan ttwameglen 18 n wagguren.

Deg lexsara n tkebbani-t n Cevilat, yefka-d amedya n 3,8 n yimelyaren n Dinar i texser ɣef dra n tmegla n Samha. “war ma nemmeslay-d ɣef tezrert ɣef tdamsa taɣelnawt, deg yiccig n uxeddim akked usufeɣ n selɛa ɣer lberani”

Ɣur mmi-s n Issad Rebrab, iɣeblan akked wuguren mačči d wid ara yefrun deg snat n tsaɛtin maca asurif ameqran deg taywalt akked tmesliw i yiɣeblan n tenmehla sɣur udabu. Imi ladɣa messlayen ɣef usenfar ameqran yerzan win n CAP DJENAT.

Deg umagrad-nniḍen, yerzan aɣmis TSA, yura ɣef wawal n Oram Rebrab yenna-n “tuttwaseggem taywalt akked udabu-a amaynut [...] nnan-aɣ-d belli ayen iɛeddan yezri, nebɣa ad d-nessewjed imukan n lxedma.”

Ɣar tagara n udiwen, yemmeslay-d ɣef wayen ara d-yeglu userreḥ n leqdicat n Cevital, d ayen igerzen, d ayen ara d-yeglun ladɣa s yimukan n ukeddim, d ayen ara d-yessalin tadamsa n tmurt.

X.Y

 

 

Publicité
Publicité
Commentaires
Publicité