Canalblog
Editer l'article Suivre ce blog Administration + Créer mon blog
Publicité
Afrawan
Afrawan
Publicité
3 janvier 2020

D acu i tenniḍ 17

Ur nelli wara d wid yesseqdacen iɣil alama nḥulfa nettwaḥqer alama tḍur-aɣ temhersa.

Acḥal nekk ttnadiɣ ɣef wawalen i icudden ɣer unamek-a (s yiɣil) deg tutlayt taqbaylit, ur uffiɣ ala awal ajenṭaḍ i d-yekkan seg taɛrabt “Ddreɛ” d “bessif”. Ladɣa awal-a anegaru i yellan d uddus n tenzeɣt d yisem, ma nsuqqel-it-id ɣer teqbaylit  ad d-yefk agdazal “ s ujenwi” !

Amezruy mazal yezdeɣ deg wallaɣen n yeqbayliyen, mazal limarat-is deg tenfaliyin n yallas, amezruy yettaǧǧa-d ticraḍ, yettaggi ad yejlu. Amezruy ur yessin ara nger, ɣas idel s tkerkas, netta yettaǧǧa-d imataren deg tutlayt, deg tmucuha d tsekla timawit tansayt, deg tecraḍ yuran ɣef udem n tyemmatin, amezruy yettaǧǧa-d tulmisin ɣef yeẓra, d awezɣi ad yeɛreq i lebda. Yewwi-d kan ad teldiḍ allen-ik akken ad t-tferẓeḍ sdaw n tduli i as-yerran aɣumu, yewwi-d kan ad teldiḍ imẓẓuɣen-ik akken ad d-tafeḍ tamgerda gar-as d  tkerkas, yewwi-d kan ad teldiḍ allaɣ-ik akken ad teẓreḍ imataren i tettmagareḍ seg myal tama akken ad tegzuḍ amezruy, yewwi-d kan ad teldiḍ ul-ik akken ad tliḍ tayri ɣef ugmuḍ n yimataren i d-tgemreḍ akken ad tḥemleḍ amezruy-ik.

X.Y

Publicité
Publicité
Commentaires
Publicité