Asmekti n uɣelluy n sinyimeɣrasen

tugna-ya nufa-tt deg uẓeṭṭ n internet, ma yella-d ucetki, ad tt-nekkes war iɣilif. Tanmirt

Ass n 29 deg Meɣres 1959 zzat n udrar Tmur deg tama n unẓul n Busɛada, ɣlin, uzlen idammen n sin yizmawen i ibedden mgal tamhersa n yiggen afransis deg ubrid-nsen ɣer Tunes akken ad mlilen akked imaslaḍen n Uwanek n Leɛḍil n Tigduda Tazzayrit (GPRA).

Si Ɛmiru akked Si Lḥewwas, anwa azzayri ur yeslin ara i yismawen-a, anta tiɣmert ur yewwiḍ ara zhir akked rehba i lan ! bɣiɣ ad ten-id-snekwuɣ akter macca ixef-iw yeɛweq anwa ideg ara yezwir i ssin d tarwa n tmazɣa iḥrar ; Ɛmiruc ; mmi-s n tmurt n leqbayel, ilul deg ass 31 Tuber 1926 deg taddart Tasaft Ugemmun deg Akfadu, wayeḍ d mmi-s n Luras, isem-is aḥeqqani Ḥmed Ben Ɛebd llah, ilul deg 1923 deg taddart Mcunec deg idurar Icawiyen. I ssin kecmen deg umussu

aɣelnaw akked tsertit d imecṭuḥen, akken daɣen i gren irebbi i ṭrad imselleḥ mgal acengu war aḥezzeb, war tigdi !

Si Ɛmiruc yebda leqdic asertan deg ukabar n MTLD deg Lezzayer tamanaɣt, s akin yekcem ɣer Tsuddut Tamzzugt (O.S) imi i d-yeqwa lḥers ɣef ukabar n MTLD ; Yettwaṭṭef ɣer lḥebs deg 1950, macca ur iɛeṭṭel ara, yeffeɣ-d deg useggas 1951, macca gan fell-as taɛessast akked lḥers akken daɣen i gedlen fell-as ad yekcem ɣer lezzayer tamanaɣt, s akin yeffeɣ ɣer Fransa, aneggaru-a ur iɛeṭṭel ara yekcem-d ɣer Lezzayer akken ad yekcem deg ukabar n FLN, deg useggas 1955 yettwasbed d aqerruy ɣef temnaḍt tis kraḍet, akken i ila daɣen tawuri n umassaɣ gar temnaḍt tis kraḍet akked tis snat, Qsenṭina ; akken daɣen i yetteki deg ugraw n Sumam deg 20 ɣuct 1956.

Si Lḥewwas ula d netta yekcem deg leqdic asertan akked imselleḥ kan akken d amecṭuḥ, yekcem ɣer umussu n uwallek n yimserḥen deg seḥra. Ɣer useggas n 1957 yemlal akked Si Ɛmiruc anda i ttemcawaren, ttmeslayen ɣef tiɣtas i d-yefɣen deg ugraw n Sumam, s akin yuɣal d aqerruy ɣef tegzemt tis semmus, imi yemmut Ɛli Mellaḥ. Ɣer Duwenber 1958 yeḥḍer i temlilit tameqqran i yettwasnen s yisem n « Timlilit n les colonels » din-a i d-ttwaxtaren, netta akked Si Ɛmiruc akken ad ilin d imassaɣen gar FLN akked yimḍebren i ṭrad deg berra n tmurt.

Résultat de recherche d'images pour "amirouche et si el haouès"

tugna-ya nufa-tt deg uẓeṭṭ n internet, ma yella-d ucetki, ad tt-nekkes war iɣilif. Tanmirt.

Deg ubrid-nsen ad mlilen iɛeggalen n uwanek n leɛḍil n tigduda tazzayrit yellan deg Tunes, ruḥen s wazal n ukuẓ tmerwin iserdasen, akken yedda yid-sen ula d umezzad Ɛemmur Dris. Uɣen abrid n unẓul, imi i d-wḍen ɣer Busɛada, ufan-d igen afransis yezzi-asen-d seg myal tama, imi ineggura-a yewweḍ-asen-d lexbar-nsen ad d-teddun, Si Ɛmiruc akked Si Lḥewwas ttuzenzen s ɣur kra n iḥerkiyen i yellan mxalafen deg kra n temsal n ṭrad. Azal n 25000 n yiserdasen mgal sin n Iqerray Akked yiwen umezzad akked ukuz tmerwin iserdasen, amennuɣ d win yellan qessiḥen. Si Ɛmiruc akked Si lḥewwas ewten, qublen tirsasin n yigen afransis s tebɣest almi ɣlin deg wannar n umennuɣ, akken i ttwaṭṭfen kra n yiserdasen d imeḥbas. Ass n 29 deg Meɣres ad yeqqim d ass n usmekti n uɣelluy-nsen, d ass n usmekti n yal argaz yefkan tarwiḥt-is i wakken ad yidir ugdud azzayri deg talwit.

X.Y

"Tukkist deg uɣmis Tiɣremt"

Asmekti n uɣelluy n sin yimeɣrasen

Partager cet article