Muḥya, D Acu i d ssirk-agi ?

Muḥya

 D Acu i d ssirk-agi ?

D tiṭṭ-agi i k-yeẓran

Amek tebberttaxeḍ ^ɣef weṭṭruṭwar

Amzun d azger ^deg baṭṭwar

Kečč ur telliḍ d asekran

Bbukk ɣef xenfuc

Ayu amek ⁱ truḥeḍ

Imsebriden mi k-walan

Nnan-as awit-tt ^ɣer ufermasyan

Kečč teggummaḍ a^d d-^tneṭqeḍ

Pisk temmuteḍ

Yiwen yelssa-d akustim ccik

Yenna-^yas d askeɛrer kan i yeskeɛrir

keččini yeqqur ugecrir-ik

Tetfeḍ kan imi-k

 Pisk iɛedda lqecc-ik

Ijerbuben-ik rkan

Ilefḍan, tizuraz

Alaṭṭif

Isebbaḍen-ik ttaḍsan

Taḍsa n bessif

Iban kan iban

Mačči d bu ^yimelyan

D acu ⁱ t-yuɣen akka

Iyaw a^d tenẓer

Mmɣen fell-ak sin

Dɣa dinn^a i fsin

Aɛebbuḍ-ik d azegzaw

Uhh a^d nessugget awal diɣen

D acu i k-yenɣan

Ttmesteqsayen ttmesmuqallen lɣaci

Bu kustim-nni yenna

Aha sinn-nni

Xussen kan lexwan

Lla ilah a illa llah

Muḥemmed ṛasul llah

Atnan kan a mmi atnan

Tura teggeḍ-d lapulis

Kulyiwen s uɛekkaz-nni ^deg ^uffus-is

Yenna-yi-d yiwen

Emmci ya ṭṭneh

Tesɛiḍ zzher

Cwikan imi temmuteḍ

Wammag teḥrem yemma-k

D acu-t ssirk-agi

Ar ^ad ɣlin fell-ak alama tettraḥeḍ

Amek inɛeddin Ṛebbi-k dɣa

Deg tlemmast n Lezzayer

Caylellah

Kulci yecceɛcceɛ

Lhemdulleh

Keččini temmurḍseḍ-aneɣ dagi si llaẓ am uɣerda

D acu-t uyennat-agi

Delmuḥal

U^r tettneḥcameḍ ara keččini

Lanǧǧiri d lǧens yiffen akk leǧǧnas

Ala aɛdaw Ṛebbi ^ɣer gma-s

Iɣ-ikerhen nekkni

Ayɣer ur tuɣaleḍ ara d diriktur

Neɣ delmir

Neɣ d kumisaṛ uparti

A^d tt-aɣeḍ lqahwa neɣ nnutir di Paris

A^d tt-uɣaleḍ d abarbu ɣef yiman-ik

Keččini ^seg wasmi d-^tecfiḍ di ddunit-ik

Teqqareḍ-as kan ulac zzher

A yaɣyul bburti

Uhh aha kan

Baci a^d teḍru yid-k akka

Almi daya i k-d-yeggran

Acḥal n leḥyuḍ i k-id-yerran

Mačči d ayen ara d-neḥku

Ihi Lanǧiri akka

Iban ɣef udem-ik iban

Walaɣ kan udem-ik

Rriɣ-d s lexbaṛ

D acu i k-xedmen

Wayetma-k imselmen

Awi ẓẓran acu i s-tenniḍ

Maken i teɣliḍ

Mi teggḍeḍ ar dulaqrar

Ahat twalaḍ iman-ik

Asmi telliḍ d amecṭuḥ

D aqcic amecṭiṭṭuḥ

Baba-k ittaǧǧa cceɣ-is

Yettawi-k ^ɣef yiɣil-is

Yeqqar-ak mimmi ṭiṭṭuḥ

Asmi k-tessuṭṭuḍ yemma-k

Nettat tehbel fell-ak

Teqqar-ak a yakelbun-iw

Asseɛd-iw

A rrebḥ-iw

A tafat-iw

Mi tberḍeḍ iman-ik

A^d k-tinni a^d tɛezzi tara-k

Amek i k-tessudun

Amek i k-tettḥebbi

Cteddu ad timɣureḍ

A^d tuzwiɣeḍ

A^d timluteḍ

A^d tifeḍ kra d-tluleḍ

Amek i k-teskikkiḍ

Amek  i k-tzuzzun

Amek amek

Mačči terwi

Ah !

Alukan a^d k-id-^twali dagi temɣart yemma-k

Mačči a^d tewwet agejdur

“Ahh ami mmuteɣ, aba ɛzizen

A kulefɣ-assen Ṛebbi

Kra iɛettbeɣ fell-ak”

Tura anda yella wiẓran

Ahat tekreḍ-d kan akka

D agujil meskin la aḥbib la lwali

Tenfeḍ-ik ddunit

Teṭṭḍeḍ ilili

Ula dwin ahat yerka

Dayen tura lleh ɣaleb

Lamer yeggeḍ bab-is

Di ddunit-a ɣas tettmeḥneḍ

Aqlik-id tura tefɣeḍ-tt

Teggḍeḍ sanda ara naweḍ

Wi bɣan ad iru

Ad iru ɣef yixef-is

Muqqel a mmi

Amek i k-refden s lemḥadra

Sin sya si sya

Sin  seg ^yiḍḍaren

Sin seg ^yifassen

Keččini tettaɛluluqeḍ gar-asen

Tenḥarweḍ tura

Sullin-k ɣef tberwiṭ-nnsen

Ḥmed Ṛebbi

Twalaḍ tura

Lukan d lagrib i txedmeḍ

Neɣ d anṭaq i d-^tneṭqeḍ

Neɣ ^d tukerḍa i tukreḍ

Akken a^{d te}ččeḍ

Iabn a^d tenterreḍ

Iban imi d lmut i temmuteḍ

Iban ur k-wwiten ara

Lɣaci i d-yezzin

Wallan dayen

Yekkfa ssuq

Tefra rreḥba

Kulwa ikemmel abrid-is

Asidi wen baba

Akka cwiya ciṭṭuḥ a^d k-ttun

Mačči d kra a^d d-ttmektin

Ṛuḥ win yemmuten a^d s-yeɛfu Ṛebbi

Nekka-d seg wakkal

I wi

Mačči menwala kan

Alama yeɣra fell-as ccix

Akken ad yawi lbaraka

Anda k-ɣzan nekka-d seg wakkal

A^d nuɣal s akkal

Attwal ma d-yas ɣur-k Ɛezrayen

Kečči a^d t-^taggadeḍ

Si difwa yussa-d ɣur-k Ɛezrayen

Ad k-iḥasseb ^deglfaɛl-ik

Ileɛnaya n ddnub-ik

Ḥader a^d s-tiniḍ amek i temmuteḍ

A^d k-d-yinni ansa i d-^tekkiḍ

Fiḥel a^d s-tiniḍ si Lezzayer n lbext-iw

Mačči akken i tt-in-teǧǧiḍ

Wali iẓerman-iw

Yekker deg-sen uwekkiw

Asmi meẓẓiyeɣ

Xedmeḍ

Ɛettbeɣ

Swan tidi-w

Ala ayen ččan medden

Asmi i meqqreɣ cabaɣ

Teɣli tezmart-iw

Seddan-iyi d ufriḍen

Acḥal i wummu nniɣ

Fket-iyi ulama ^d tiqqit n wamman

I wudem Ṛebbi

Iannan-iyi-d selli ɣef Nnbi

Ɣennan-iyi-d Qassamen

Ajerred sɣur X.Y

04- Acut-t ssirk-agi (MUHYA).wmv

Comments

[Kty_rose]

Je vous souhaite une bonne continuation.

[Katy_ros]

C'est un génie Muhya atyerhem rebbi. Bon courage la relève.