Tadukla tadlesmettit « Afus d Wawal », asmekti n tedyanin n 1980.

Tadukla tadlesmettit « Afus d Wawal », asmekti n tedyanin n 1980.

         Ilmend n umulli wis 34 n tedyanin n 20 deg yebrir n useggas 1980 tidukla tadelsmetti « Afus d Wawal » n Taddart n Tizi Ɛelwan i d-yezgan deg tɣiwant n Ayt R’zine, gan-d yiwen n leqdic d ameqran anda i xedmen ayen i umi ssawalen ddurt adelsan i yebdan deg 19 ɣer 20 deg yebrir. Am yal aseggas ur tezmir ara taddart-a ad tezgel asmekti-a, ad iɛeddi war ma fkan-as azal, myal tikelt tettaẓ ɣer zzat akken ad d-tefk akter, ahil n useggas-a d win yellan d amerkanti s waṭas, akken i llant tirmad yemgaraden ladɣa deg uḥric adelsan. Akken ad d-nẓer ahil-nsen iɣef aɣ-d-yemmeslay uselway n tdukla-a, mmas K. BOUDRAA ; Deg-s ad naf   Ahil ibda s tsenskint (Exposition) i d-yewwin ɣef usmekti n tedyanin n tmanyin akked tid n 2001, s akin yella-d yiwen n usarag s usentel « Tazɣent n tmaziɣt daxel n ukabar PPA-MTLD 1949 », akken i d-tella ɣer yiḍ-nni yiwet n tceqquft n umezgun, tin i d-turrar terbaɛt n yilmeẓyen n taddart-a ; ɣer wazekka-nni, ass n 20, ttkemmilent tirmad s tsenskint ; Ɣer temddit-nni yella-d uskan n yiwen n usaru imsegzi s tedyanin n tezɣen nn tmaziɣt deg tmurt n lezzayer, akken ara kfan s ulday n temkerḍit tamaynut i taddart n Tizi Ɛelwan, anda i d-uɣen s wazal n 11 n imenyal d isurdiyen idlisen yemgaraden deg wannaren n tusna, ladɣa ayen yerzan idles amaziɣ.       

X.Y